Bo día,
Finalmente neste curso 2020/21 manteránse os servizos de comedor e plan madruga. As actividades extraescolares de momento quedan canceladas, xa que non podemos asegurar a viabilidade das mesmas dentro das restriccións que as autoridades impoñen para levalas a cabo, sen embargo se a situación cambia ó longo do curso estudiaráse a posibilidade de retomalas.
Desde a ANPA levamos varias semanas traballando para adecuar os servizos de comedor e plan madruga ós protocolos esixidos pola Xunta. A nosa intención é a de iniciar ambos servizos o 14 de Setembro, pero de momento aínda non o podemos confirmar. Unha das obrigacións ás que estamos sometidos é a de levar un rexistro de asistencia e a situación de cada nen@ dentro do comedor, por este motivo será necesario realizar unha solicitude previa para facer unha estimación do número de asistentes durante o curso a ambos servizos. No momento en que teñamos todas as autorizacións pertinentes ó día, procederemos á recepción de solicitudes e ó rexistro de usuarios nos servizos, estamos facendo todo o posible para que sexa canto antes. Chegado o momento, ademais de actualizar a información neste blog, será enviada unha notificación por TokApp, Abalar e a través dos distintos grupos de WhatsApp das aulas (agradecemos que nos axudedes á súa difusión por este medio), de modo que poida chegar rapidamente a todo o mundo e poidamos axilizar este trámite o máximo posible.
Saúdos,
ANPA CEIP Mestre Valverde Mayo.