Queridas
familias,
Comprácenos
comunicarvos a actualización das normas do comedor de cara a actualizar o
servizo a partir do vindeiro curso 2023-24:
PREZO DO MENÚ (NOVOS PREZOS)
Actualizase
o prezo do menú normal:
·
Socios da
ANPA: 4,75€.
·
Non
socios: 5,75€.
E o prezo
dos menús especiais (celíacos, dieta branda, sen lactosa, etc.):
·
Socios: 4,75€.
·
Non
socios: 5,75€.
ALTAS, BAIXAS OU CAMBIOS DE QUENDA (NOVO PROCEDEMENTO)
No caso de
un usuario novo que queira darse de ALTA
no servizo do comedor (considerase novo aquel usuario que nunca foi ao comedor
neste curso escolar, aínda que fose usuario o ano pasado), xa sexa de forma
puntual (usuario esporádico) ou de xeito continuado, terá que poñerse en contacto directamente coa empresa que proporciona o
servizo do comedor, Adrimial, xa que a partir de agora son eles os que
realizarán a xestión das prazas do comedor e o cobro do servizo.
As novas
inscricións ou altas deberán realizarse con tempo dabondo para comprobar se hai
praza e reservar menú, mellor con 24-48h
de antelación e, se non é posible, sempre antes das 09:30h da maña do día
que o usuario vaia a empezar o comedor.
Para darse
de alta, é preciso enviarlles á Adrimial o formulario
de inscrición completamente cuberto. Pode descargarse na seguinte ligazón:
Descargue o formulario de inscrición aquí
Do mesmo
xeito, en caso de darse de BAIXA do
servizo, deberá contactarse directamente con Adrimial. Por favor, non
esquezades dar de baixa aos nenos e nenas que xa non fagan uso do comedor para
deixar a praza dispoñible para outro usuario. As prazas son limitadas e hai
momentos en que temos o comedor completo ou incluso lista de espera.
En caso de
querer realizar algún CAMBIO nas
condicións do servizo (cambiar os días de uso, cambiar o día de inicio do
servizo, cambio a menú especial, etc.) tamén é preciso contactar con Adrimial para solicitar
o cambio.
Para
calquera alta, baixa ou cambio de quenda, é
preciso ademais que as familias avisen á escola, a través do email do
centro ou ben cunha nota na axenda para o titor/a. Polo tanto, xa non
é preciso contactar coa ANPA para solicitar a inscrición no comedor, dar de
baixa a un alumno our realizar un cambio de quenda.
Os datos
de contacto da empresa que da servizo ao comedor son os seguintes:
CONTACTO ADRIMIAL FOOD: 986 330 546 – adrimialfood@gmail.com
AUSENCIAS
Neste caso
non hai cambios no procedemento. No caso de unha ausencia puntual (por mor de
enfermidade pasaxeira, cita médica, etc.), as familias terán que avisar directamente
Adrimial para anular o servizo eses días, sempre con antelación suficiente
(24-48h) ou, no caso dunha emerxencia, pode avisarse no mesmo día antes das
9:30 da mañá. Se o aviso chega con posterioridade a esa hora, se pasará
igualmente o cargo do servizo dese día.
A
maiores, a familia terá que avisar á escola mediante unha nota na axenda, no caso de que o neno acuda ao colexio pero non se
vaia a quedar no comedor, xa que o seu titor/a terá que estar avisado.
Non é preciso contactar coa ANPA para solicitar a inscrición no comedor, dar de baixa a
un alumno our realizar un cambio de quenda.
HORARIO DE RECOLLIDA:
O horario
este curso segue sendo o mesmo: de 15:30 a 16:15h. É
imprescindible respectar o horario de recollida e non acudir antes da hora xa
que do contrario se interrompe o servizo de catering e se entorpece a labor das
monitoras durante a atención dos nenos e nenas.
No caso de
que o a persoa habitual non poida acudir a recoller aos nenos, as monitoras só
entregarán ao menor ás persoas autorizadas que estean identificadas no seu
momento no formulario de inscrición ao comedor. Estas persoas deberán presentar
o DNI para identificarse como tal. En caso contrario, as monitoras non están
autorizadas a entregar ao menor a descoñecidos.
Os nenos
se recollen na porta do comedor. Normas que se deben respectar á saída do
comedor:
- Debe pecharse sempre o portal de acceso ao recinto
escolar.
- Está prohibido que os familiares que recollen aos nenos
accedan dentro do comedor.
- Tamén está prohibido que na saída do comedor os nenos se
queden a xogar no patio ou en calquera punto dentro do recinto escolar.
