Queridas familias,
Un ano máis, queremos contar coa vosa valoración das actividades extraescolares que xestionamos na ANPA, tanto das propias da ANPA como das que organiza o Concello. Moitas grazas por cubrir a enquisa que atoparedes na seguinte ligazón antes do próximo 30 de Xuño.
Accede á enquisa aqui
Agradecémosvos moito a vosa colaboración.
Queridas familias,
Ábrese o
prazo para o pago da cota anual da ANPA, tanto para os novos socios como para
aqueles socios que queiran renovar a súa participación un ano máis. O prazo iniciarase o 20 de xuño e
finalizará o 30 de setembro de 2023. Non
se aceptarán inscricións nin pagos fora dese prazo.
Recordade que o pago da cota da ANPA é obrigatorio para aqueles alumnos que queiran beneficiarse dos descontos no menú do comedor, no plan madruga, nas actividades extraescolares da ANPA ou nas excursións.
COTA DA ANPA
20 euros/ familia (independentemente do número de fillos/as escolarizados).
NOVOS SOCIOS
Os socios
novos, que se asocien por primeira vez, terán ademáis que cubrir un formulario
cos seus datos, dispoñible na seguinte ligazón:
Fai click aquí
COTA DE MATERIAL PARA ALUMNOS/AS DE EDUCACIÓN INFANTIL
Aproveitamos
para recordar, como todos os anos, que existe a posibilidade de que a
adquisición do material escolar esixido para os alumnos de Educación Infantil
(4 EI, 5 EI e 6 EI, e dicir, nenos/as de 3, 4 e 5 anos) sexa xestionado pola
ANPA. Desta forma, o persoal docente será o encargado de entregarlle a cada
alumno/a o material necesario ao longo de todo o curso escolar.
Para elo,
cada familia deberá ingresar na conta da ANPA o cota de material
correspondente. Para o curso 2023/24, a cota de material será a seguinte:
- Socios da ANPA: 50 euros/alumno
- Non asociados ANPA: 55 euros/alumno
Se algunha
familia prefire xestionar directamente a compra do material e non facelo a
través da ANPA, debe poñerse en contacto coa escola e coa ANPA antes do inicio do curso. Lembramos
que, de facelo así, será responsabilidade da propia familia ir mercando o
material necesario durante o transcurso segundo as indicacións da titora en
cada momento. De optar por esta vía, debe comunicarse o antes posible xa que dende
o primeiro día, os rapaces xa estarán utilizando o material mercado de forma
global con estas cotas.
FORMA DE PAGO
Os pagos
da cota da ANPA ou do material unicamente
poden facerse a través dunha transferencia bancaria.
É
imprescindible por no concepto ou observacións da transferencia o nome e
apelidos do alumno, o curso e unha referencia do pago que se realiza (p.e.:
María Pérez 4EP Cota ANPA, Xan López 6EI Cota Material).
A conta para realizar a transferencia é a
seguinte:
ES59 2080 5452 6430 4012 0761
POR QUE É IMPORTANTE SER SOCIO DA ANPA
Para
aquelas familias novas na escola, así como para calquera outra para a
que poida ser de interese, recordamos cales son as funcións e actividades que
realiza a ANPA e por tanto a que vai destinada a súa cota:
Queridas familias,
Ábrese o
prazo para a reserva de praza para os usuarios do Plan Madruga do vindeiro
curso 2023/24. Os alumnos que precisen praza deben formalizar a súa reserva a
través do formulario online que se facilita na ligazón que se atopa ao final
desta páxina dentro do prazo que comeza
o 20 de xuño de 2023 e remata o 30 de xuño de 2023. As solicitudes que se reciban
antes ou despois deste prazo serán descartadas.
No caso de
alumnos que precisen facer uso do Plan Madruga de forma esporádica en días
soltos ou ben precisen incorporarse ao servizo unha vez comezado o curso, sexan
alumnos novos ou non, deberán poñerse en contacto coa ANPA cando necesiten o
servizo para tramitar a inscrición á primeira vez. Recomendamos facelo a través
do WhatsApp da ANPA e con tempo de abondo, a lo menos dous días de antelación.
Se non, non podemos asegurar dar resposta á tempo.
HORARIOS
O servizo
de madrugadores se inicia ás 07:30 e remata ás 09:00. A monitora do madruga
encargase de levar aos nenos á súa aula unha vez comezadas as clases ás 09:15h.
Non se poden levar nenos/as entre as 09:00 e as 09:15h xa que é o momento de
chegada das familias e alumnos que entran na escola.
O servizo
de Aula Madruga non inclúe o almorzo. Non se servirá ningún tipo de comida aos
rapaces.
INFORMACIÓN DO SERVIZO
A empresa
que subministra o servizo do plan madruga é O Recreo. No curso anterior,
contabamos cunha tarifa fixa para unha monitora, un total de 498€/mes. Segundo
o número de inscricións, se analizará a necesidade de incorporar outra monitora
e, por tanto, o custo incrementarase. Se houbese algunha variación no custe do
servizo, a ANPA poñeríase en contacto cos alumnos a través do blog.
O pago dos
servizos faise a mes vencido de forma “solidaria” entre todos os asistentes,
prorrateando a tarifa fixa entre o número total de días que asistiron todos os
usuario ese mes, independentemente do horario de entrada. Así, é posible que
cada mes o custo sexa diferente, xa que depende do número total de asistentes e
do global de días asistidos por cada usuario en cada mes. Cantos máis usuarios
asistan e máis días vaian, máis económico sairá o servizo de madrugadores a
cada familia. A empresa O Recreo é a responsable de trasladar os cargos a pagar
por cada familia. A continuación poñemos un exemplo disto para que se entenda
mellor:
-
Consideremos
un mes con 20 días laborables/escolares.
-
Ese mes van
15 rapaces tódolos días ao Aula Madruga (un servizo equivale á asistencia dun
neno/a ao Plan Madruga un día; se van 2 días serían 2 servizos; se van toda a
semana serán 5 servizos).
15 rapaces x 20 servizos/rapaz = 300 servizos en total
fixeronse ese mes.
-
A tarifa
fixa son 498€/mes.
-
Polo
tanto, nese caso 498€/mes ÷ 300 servizos = 1,66€/servizo (custo unitario do
servizo ese mes).
-
Se o meu fillo/a
asistiu 20 días ese mes, é dicir, fixo 20 servizos:
20 servizos × 1,66 €/servizo = 33,20€ será a miña tarifa ese mes.
LIGAZÓN
PARA A INSCRICIÓN NO AULA MADRUGA
Para acceder ao formulario é preciso clikar aquí:
É preciso cubrir un formulario por cada neno que se vaia a inscribir. Non é
posible facer un só formulario para dous irmáns, por exemplo. Non se aceptan
inscricións que non sexan a través deste formulario online, é dicir, non se
aceptan formularios por escrito ou por email.
Queridas familias,
Ábrese o
prazo para a reserva de praza para os usuarios do comedor do vindeiro curso 2023/24.
Os alumnos que precisen praza para o comedor deben formalizar a súa reserva a
través do formulario online que se facilita na ligazón que se atopa ao final
desta páxina dentro do prazo que comeza
o 20 de xuño de 2023 e remata o 30 de xuño de 2023. As solicitudes que se
reciban antes ou despois deste prazo serán descartadas.
Aínda que
este ano non houbo os problemas de número de prazas dispoñibles doutros anos,
si que é certo que houbo xornadas que tivemos o comedor completo. Polo tanto,
imos seguir coas mesmas directrices de reparto de prazas que se dispuxeron o
curso anterior e que se explican a continuación.
Os alumnos
que, no momento da reserva de praza,
sexan usuarios do comedor e as súas familias continúen sendo socias da ANPA no
vindeiro curso 2023/24, terán asegurada a súa praza para o vindeiro curso para
disfrutala como máximo nas mesmas condicións
(é dicir, solicita como máximo os mesmos días que tiñan reservados no curso
2022/23). Aínda así, estes alumnos deben facer igualmente a reserva a través do
formulario online para que podamos contabilizalos como usuarios para o vindeiro
curso. No caso de que algún de estes usuarios queira unha ampliación nos días
de uso e existan máis solicitudes que prazas dispoñibles, serán considerados
como usuarios novos segundo os criterios de admisión.
Se nalgún
momento, algún alumno por calquera motivo decidise finalmente non acudir ao
comedor e renunciar á súa reserva, debe notificalo expresamente á ANPA á maior
brevidade posible para que outro alumno poida dispoñer da súa praza. En caso de
non notificalo con tempo e dar comezado o servizo, ese alumno terá que abonar o
custo dos menús reservados aínda que non consumidos.
No caso de
alumnos que precisen usar o comedor de forma esporádica en días soltos, deberán
poñerse en contacto coa ANPA cando sexa preciso o servizo para ver a
dispoñibilidade de prazas e tramitar a inscrición á primeira vez. Recomendamos
facelo a través do WhatsApp da ANPA e con tempo de abondo, a lo menos dous días
de antelación.
A
asignación definitiva de prazas notificarase de forma individual a cada alumno
en setembro, antes do comezo do curso escolar. En caso de non haber problema de
prazas, farase unha notificación colectiva e pública a través do blog da ANPA.
MOI IMPORTANTE: O
envío do formulario de reserva de praza NON supón a asignación directa nin
asegura a dispoñibilidade de praza para o alumno. A confirmación de asignación
de praza será comunicada por parte da ANPA en setembro, antes do comezo do
curso escolar. Os alumnos que non teñan praza dispoñible, serán integrados na
lista de espera por orden de solicitude. Ademais, recordade que todos os
usuarios do comedor deben ser socios da ANPA e estar ao día do pago da cota da
ANPA do curso correspondente para poder beneficiarse do prezo reducido do menú
(prazo máximo de pago da cota da ANPA antes de finais de setembro 2023).
CRITERIOS DE ADMISIÓN
PARA USUARIOS NOVOS DO COMEDOR
Cando existan máis solicitudes que prazas
dispoñibles, a admisión dos usuarios realizarase segundo a seguinte orde de
preferencia:
1.
A
solicitude de reserva de praza para o comedor para o vindeiro curso foi enviada
dentro do prazo temporal asignado.
2.
A familia
do alumno solicitante debe ser socia da ANPA e estar ao día dos pagos da cota
da ANPA para que a solicitude de reserva sexa valida. Isto implica que deberá
satisfacer o pago da cota da ANPA do curso 2023/24 antes de final de setembro
de 2023.
3.
O alumno
solicitante foi usuario do comedor escolar no curso anterior e solicita, como máximo, os mesmos días dos que era
usuario do comedor no curso anterior.
4.
O alumno
solicitante ten irmán/s usuario/s do servizo de comedor durante este mesmo
curso.
5.
O alumno
solicitante estivo en lista de espera para o comedor no curso anterior.
6. O alumno solicitante require unha praza de servizo
continuo de 5 días (de luns a venres) de forma fixa tódalas semanas (non de
forma alterna). Estes usuarios, denominados usuarios continuos, terán
prioridade fronte os descontinuos. Para os alumnos solicitantes de prazas
descontinuas, a prioridade establecerase en función do numero de días
solicitados, de maior a menor.
7. O alumno solicitante é usuario ademais do servizo de
madrugadores.
A orde de
admisión decidirse aplicando con carácter sucesivo os anteriores criterios e,
se fose necesario desempatar, empregarase a orde de recepción de solicitudes
(fixándonos na data e hora na que se recibiu a preinscrición). A finalidade
ultima é asignar o maior número de prazas de comedor aos usuarios solicitantes
para facer o uso mais optimizado posible do comedor.
INFORMACIÓN
DO SERVIZO
O servizo
de comedor se ofrecerá de 14:15 a 16:15, pola empresa AdrimialFood S.L. O
horario de recollida dos alumnos empeza ás 15:30 e remata ás 16:15. Non se pode
recoller aos nenos antes nin despois desa franxa horaria.
Prezo do menú normal durante o curso pasado:
o Socios: 4,50€.
o Non socios: 5,50€.
Prezo dos menús especiais (celíacos, dieta branda, sen lactosa, etc.)
durante o curso pasado:
o Socios: 4,50€.
o Non socios: 5,50€.
Estes prezos son indicativos, correspóndense cos prezos do curso pasado. O
prezo depende, entre outras cousas, do número de alumnos inscritos no comedor e
do ratio Infantil vs. Primaria. O prezo será confirmado polo servizo do comedor
en setembro. En caso de haber algún cambio, a ANPA o comunicará polas canles
habituais.
A empresa que realiza o servizo de comedor se porá en contacto con vos para
tramitar o pago do servizo. Tralo envío do formulario online de inscrición, a
ANPA facilitarálles os vosos datos de contacto e os datos da reserva
facilitados neste formulario (nome, teléfono, email, nome do alumno, curso
académico que fai o alumno, días da reserva). É posible que isto teña lugar
unha vez comezado o curso escolar e non antes.
NORMAS
DO COMEDOR
Están publicadas na seguinte ligazón:
https://anpamestrevalverdemayo.blogspot.com/2023/09/novas-normas-para-o-comedor-2023-2024.html
LIGAZÓN
PARA A PREINSCRICIÓN NO COMEDOR
Para acceder ao formulario é preciso clikar aquí:
É preciso cubrir un formulario por cada neno que se vaia a preinscribir.
Non é posible facer un só formulario para dous irmáns, por exemplo. Non se
aceptan inscricións que non sexan a través deste formulario online, é dicir,
non se aceptan formularios por escrito ou por email.