Queridas familias:
Dende a ANPA queremos informarvos que estamos a recibir constantes queixas dos monitores do comedor por exceso de ruido, alboroto, faltas de respecto e educación por parte dalgúns usuarios do servizo. Dende a ANPA revisamos esta situación coas monitoras e tamén coa empresa que subministra o servizo, por se fose un problema de organización ou xestión do comedor. Comprobouse que, efectivamente, existe un mal comportamento xeneralizado por parte dalgúns usuarios que dificulta moito a xestión eficaz do comedor, tanto para as monitoras como para os propios nenos e nenas que usan o servizo.
Por es motivo, dende a ANPA pedimos a colaboración das familias usuarias do comedor. É preciso que faledes cos vosos fillos para mellorar a convivencia. Trátase dun servizo útil para todos que debemos coidar e manter baixo as premisas do respecto e da educación, tendo presentes as normas básicas de convivencia que podedes consultar na web da escola:
A maiores, tal e como se acordou na asamblea anterior, a ANPA reforzará o servizo do comedor cunha monitora adicional, que terá conta dos rapaces máis cativos e deixará maior liberdade de actuación ás outras monitoras.
Sen embargo, compre recordar que en caso de persistir este problema, os alumnos que non cumpran as normas establecidas de convivencia e de respecto ás monitoras e ós seus compañeros, serán privados do uso do comedor de forma inmediata.
Moitas grazas pola vosa colaboración.